Ուկրաինայի նախագահ Վլադիմիր Զելենսկին հայտարարել է, որ առաջիկա շաբաթների կամ ամիսների ընթացքում կարող է իրական հնարավորություն ստեղծվել ստիպելու Ռուսաստանին համաձայնել հրադադարի։ Այս մասին, tsn.ua-ի փոխանցմամբ, նա հայտարարել է ճեպազրույցի ժամանակ։ Նրա խոսքով, սա լուրջ քայլ կլիներ պատերազմի ավարտի ուղղությամբ, թեև չէր նշանակի դրա վերջնական ավարտ։
«Հրադադարը պատերազմի ավարտի ուղղությամբ ամենամեծ քայլն է, բայց դրա ավարտը չէ: Ցավոք, մենք գործ ունենք ռուսների հետ»,- նշել է Զելենսկին։
Նա ընդգծել է, որ ռազմական գործողությունների ամբողջական դադարեցումը ժամանակ կտար Ուկրաինային՝ ամրապնդելու անվտանգության երաշխիքները, որոնք անհնարին կդարձներին վերադարձը հակամարտության թեժ փուլին։ Սա, նրա կարծիքով, ճանապարհ կբացեր դեպի դիվանագիտություն։
Սկզբնաղբյուր՝ 24news.am